Kio okazas?

La Marburga Esperanto-Grupo invitas vin al sunsomera 19-a KISO de la 23-a ĝis la 29-a de aŭgusto 2004. Ĝi okazas en la Naturamika Kabano, kiu situas en arbaro proksime al la urbo.

La ejo

La domo havas 11 litojn, saman nombron da pliaj matracoj kaj ankoraŭ lokon por meti aermatracojn. Ankaŭ eblas starigi kelkajn tendojn por tendumemuloj. Estas tri ĉambroj litaj, romantike situas la matracaro sub la tegmento. Teretaĝe ni disponas pri granda kaj iom malpli granda salonoj. La sufiĉe bone ekipata kuirejo situas en la kelo. Ekstere estas sufiĉe granda placo, kiun ni povas uzi ekzemple por pilkaj ludoj, kaj ankaŭ loko por ligna fajro. Ni povos sidi ene kaj ekstere dum tago kaj nokto, ludi, paroli, muzikumi, artumi, promeni en la arbaro, ekskursi al la urbo ktp. Ni kune kuiros niajn manĝaĵojn en sufiĉe granda kuirejo.

Iom pri la (ankoraŭ iom provizora) programo

La temo de la KISO tradicie estas „ludi, krei, sperti sin mem”. Por plenumi ĝin, ni planas la jenajn laborgrupojn kaj aktivadojn:

• Esperanto-kursoj por komencantoj (kaj/aŭ progresantoj); aŭskultekzercoj (laŭbezone/laŭdezire)
• prelego pri Esperantomuziko.
• laborgrupo pri ornamado de t-ĉemizoj
• laborgrupo pri batikumado
• laborgrupo pri farado de amikecbendoj
• laborgrupo pri perlumado
• prelego pri UK kaj IKBE aŭ pri Taĝikio
• laborgrupo pri tradukado, daŭrigo de „Asteriks ĉe la Svisoj”
• laborgrupo pri masaĝo
• laborgrupo pri ŝnuret-punto (makrameo)
• laborgrupo pri origamio
• laborgrupo pri popoldancado
• laborgrupo pri trukfotado
• laborgrupo pri diĝeriduo (muzikilo de aŭstraliaj indiĝenoj)
• unuradumado (semajnfine)
• laborgrupo pri ĵonglado
• politika kaj historia urbogvidado (marde)
• nova rekona urba serĉludo (aŭ ŝercludo) (preparita de Petra)
• komuna muzikado
• migrado al bona elrigardejo (Kaiser-Wilhelm-Turm)
• prelego pri la sunsistemo
• bicikla ekskurso al la ĉirkaŭaĵo
• botanika gvidado tra la arbaro aŭ kamparo

Bonvole atentu, ke tiuj programeroj estas planataj kaj povas okazi, ke ne eblos okazigi ĉiujn el ili. Krome pripensu, se ĉiuj okazus, la tagoj estus plenŝtopataj de programeroj kaj foriĝus la iom ripoziga kaj trankvila karaktero de la KISO.

La luda programo estos diverse plena, serĉludoj en la arbaro, pantomim-ludoj, „Geo”, diversaj esperantigitaj ludoj de memorludo, kvarteto „Monopolio” ktp. kaj, kompreneble, la ludojn, kiujn vi kunportos.
La vespera programo ankaŭ estas multpromesa: lumbildoj, nokta migrado tra la malluma arbaro, rostvespero, ...

Necesaĵoj

• por uzi liton kunporti aŭ prunti por 5 € littolaĵon
• por uzi matracon kunporti dormsakon
• antaŭpagi almenaŭ 30 €

Ĝeneralaj informoj

Ĉiuj kiuj aliĝas antaŭ la 15an de julio ricevos duan informilon kun preciza vojpriskribo kaj konfirmo de la deziroj pri loĝado.
Bedaŭrinde ne eblas sendi invitilon, kiu helpas al la akiro de vizo en kelkaj landoj, pro formalaj kaŭzoj.
La telefonnumero de la ejo estas + + 49/6421/63851. Nepre atentu, ke ĝi validas nur dum la KISO!
Antaŭe vi povas telefone atingi nin en urĝaj kazoj per la numero + + 49/6421/617518.

Kotiztabelo

Por validigi la aliĝilon, bv. ĝiru antaŭpagon de almenaŭ 30 € al la konto de la Marburga Esperanto Grupo ĉe Sparkasse Marburg-Biedenkopf konto n-ro. 1000509350, bank-kodo 533 500 00 aŭ al UEA-konto neue-d je la nomo Gunter Neue, Afföllerstr. 19, D-35039 Marburg (ĉiukaze notu: KISO 2004).

Validas la kotizkategorio laŭ la alveno de via antaŭpago. Malaliĝonto post la 15-a de julio rericevos sian antaŭpagon krom 15 €.